Mlipili apigiwa chapuo mechi dhidi ya KMC

Bado mashabiki wa Simba wana shauku ya kumuona beki Yusufu Mlipili akipata nafasi ya kucheza msimu huu

Kwani tangu kuanza kwa msimu, beki huyo aliyafanya vizuri msimu uliopita, hajaonekana kikosini

Kocha Sven Vandenbroeck anawatumia Erasto Nyoni na Paschal Wawa na wakati mwingine akiwapa nafasi Tairone Da Silva na Kenedy Juma

Hata hivyo viwango vinavyoonyeshwa na Tairone na Kenedy vinawapa wasiwasi mashabiki ambao wanadhani ingekuwa vyema kumjaribu Mlipili hasa Wawa au Nyoni anapokosekana

Hata hivyo maamuzi ya mwisho yanabaki kwa Vandenbroeck ambaye ndiye anafahamu viwango vya wachezaji wake na jinsi ya kuwatumia kulingana na mechi husika