Kiungo mshambuliaji wa Simba Hassan Dilunga amesema kuwa kukosa penalti kwa mshambuliaji wa Simba Meddie Kagere ni sehemu ya mchezo
Amewataka mashabiki wa Simba wasimhukumu kwani amekuwa akifunga penati ambazo amepiga. Anaamini atajifunza na kurejea kwenye ubora wake
Kagere mwenye mabao 14 kwenye Ligi Kuu Bara, ndani ya mwezi Februari amekosa penalti mbili ambazo zilipanguliwa na makipa alianza mbele ya Biashara United kwenye mchezo wa Ligi Kuu Bara wakati Simba ikishinda mabao 3-1 na mchezo wa pili ulikuwa wa Kombe la Shirikisho dhidi ya Stand United wakati Smba ikitinga hatua ya robo fainali kwa ushindi wa penalti 3-2 penalti yake ilipanguliwa.
"Kila kitu kina sababu hivyo kwa Kagere kukosa penalti sio jambo la ajabu, penalti hazina mwenyewe ila kwa kuwa amekosa atajifunza na atarejea kwenye ubora wake," amesema.
Dilunga aliibuka shujaa wa Simba kwenye mchezo huo akifunga mikwaju miwili ya penati
