Kadi za mashabiki kuzinduliwa Mwanza

Uongozi wa klabu ya Simba unaendelea na zoezi la kuzindua na kutambulisha kadi za mashabiki wa klabu hiyo mikoani

Baada ya kufanya zoezi hilo mikoa ya Dodoma na Morogoro, kesho itakuwa zamu ya mashabiki wa Simba mkoani Mwanza

Uongozi wa Simba umewataka mashabiki wa Simba wa jijini Mwanza kujitokeza kwa wingi tawi la Benki ya Equity lililokaribu na Mwanza Hotel kujipatia kadi zao

"Kesho tunafanya uzinduzi wa Kadi ya Mashabiki jijini Mwanza. Wanasimba tujitokeze kwenye benki ya Equity iliyopo karibu na Mwanza hotel kuanzia saa 2:30 asubuhi tujipatie kadi zetu,"imesema taarifa iliyotolewa na Simba mapema leo