Simba kuwasha moto Shinyanga dhidi ya Stand United

Mabingwa wa nchi Simba wako mkoani Shinyanga ambapo leo watashuka kwenye uwanja wa CCM Kambarage kuikabili Stand United kwenye mchezo wa hatua 16 bora kombe la FA

Baada ya ushindi dhidi ya Biashara United, Simba ilisafiri kuelekea mkoani Mwanza ambako iliweka kambi ya muda mfupi kabla ya kuelekea Shinyanga jana

Vinara hao wa ligi kuu walipata nafasi ya kufanya mazoezi ya mwisho jana kuelekea mchezo huo

Kocha Mkuu Sven Vandenbroeck amesema wamefanya maandalizi ya kutosha na lengo lao ni moja tu, kushinda mchezo huo

Amewataka mashabiki wa Simba mkoani Shinyanga wajitokeze kwa wingi kushuhudia kandanda safi kutoka kwa 'machampioni' wa nchi