Mabingwa wa nchi Simba wameendelea kuusogelea ubingwa wa tatu wa ligi kuu baada ya kuichapa Biashara United mabao 3-1 katika mchezo uliopigwa uwanja wa Taifa
Luis Miquissone kwa mara nyingine leo aliteka 'shoo' akiifungia Simba bao la kuongoza kwa shuti kali kwenye dakika ya 35 muda mfupi baada ya Meddie kagere kukosa mkwaju wa penati
Simba iliyokuwa ikicheza 'sexy football', iliwapoteza kabisa wapinzani wao Biashara United ambao muda mwingi walikuwa wakiutafuta mpira kwa tochi
Bao la pili lilipatikana kwenye dakika ya 68 mfungaji akiwa Meddie Kagere ambaye alifanya kazi rahisi ya kuusukumiza mpira wavuni baada ya krosi murua iliyochongwa na Miquissone
Biashara United walitumia makosa ya safu ya ulinzi ya Simba kupata bao la kufutia machozi kwenye dakika ya 71
Lakini Simba ilimaliza mchezo huo kibabe kwa kufunga bao la tatu kwenye dakika ya 88 kupitia kwa Francis Kahata
Kabla ya kuingia bao hilo zilipigwa pasi kadhaa kama vile wafanyavyo vijana wa Klopp kule Uingereza
Simba imefikisha alama 62 sasa ikiongoza kwa tofauti ya alama 17
Pengine shamrashamra za ubingwa wa ligi kuu zitafanyika mapema tu msimu huu pale Msimbazi
