Hatuna tambo kuelekea mechi dhidi ya Yanga - Manara

Afisa Habari wa Simba Haji Manara amesema mchezo wa pili dhidi ya Yanga ambao utapigwa March 08 kwenye uwanja wa Taifa, wanausubiri kwa utaratibu tofauti

Wakati Yanga wakianza tambo mapema, Manara amewataka mashabiki wa Simba watulie wasiseme chochote kwani tamu/chungu itafahamika siku hiyo

"Sisi tumefunga midomo yetu, hatusemi kitu hadi baada ya dakika 90 za mchezo huo ndio tutaongea. Nawataka mashabiki wasisumbuke nao, waacheni watambe lakini sisi tutazungumza March 08 baada ya mchezo," amesema Manara

Mchezo wa kwanza uliopigwa Januari 04 ulimalizika kwa matokeo ya sare ya mabao 2-2

Ni matokeo hayo yanayowafanya mashabiki wa Yanga watambe mtaani kwani ni miaka mingi imepita kwa Yanga kupata ushindi mbele ya Simba