Meneja wa Simba Patrick Rweyemamu amesema kikosi chao kinaendelea na maandalizi kuelekea mchezo wa ligi kuu dhidi ya Biashara United
Mchezo huo utapigwa kesho Jumamosi kwenye uwanja wa Taifa kuanzia saa moja usiku
Rweyemamu amesema wachezaji wote wako katika hali nzuri kuelekea mchezo huo wakibaki na majeruhi mmoja tu Miraji Athumani
"Tumeendelea kujiandaa na mchezo dhidi ya Biashara United. Tunashukuru hatuna majeruhi wapya, jana tumempokea Mzamiru Yassin kutoka majeruhi. Ni mchezaji mmoja tu aliyebaki majeruhi, Miraji"
"Tunakwenda kucheza na Biashara United kwenye mchezo ambao tunafahamu hautakuwa mwepesi lakini tumejipanga kuondoka na ushindi," amesema
Simba ndio vinara wa ligi ikiwa imejikusanyia alama 59 baada ya kushuka dimbani mara 23
Ushindi katika mchezo huo utawafanya wazidi kuukaribia ubingwa wa tatu mfululizo
