Simba kuendeleza burudani uwanja wa Taifa Jumamosi

Baada ya kushinda mechi tatu zilizopita, keshokutwa Jumamosi mabingwa wa soka Tanzania Bara Simba wanarejea uwanja wa Taifa kuikaribisha Biashara United

Mchezo huo wa raundi ya 24 ligi kuu ya Vodacom, umepangwa kupigwa saa moja usiku

Simba inaongoza ligi ikiwa na alama 59, tofauti ya alama 14 dhidi ya Azam Fc inayoshika nafasi ya pili

Ushindi katika mchezo huo utazidi kuwasogeza karibu na ubingwa wa tatu mfululizo

Simba wataingia kwenye mchezo huo wakiwa na kumbukumbu ya kushinda mabao 2-0 kwenye mchezo wa kwanza uliopigwa Musoma