Simba yamsaka huyu 'dogo'

Afisa Habari wa Simba Haji Manara ametaka kupatiwa taarifa alipo bwana mdogo (pichani juu) aliyeandika jina la winga Deo Kanda katika fulana yake

Simba imeahidi kumpatia jezi mpya dogo huyo ambaye ameonyesha kumhusudu Kanda

"Naomba mnipe connection ya kumpata huyu Mtoto, Simba itampatia jezi full ya Shujaa wake Deo kanda,,kwetu Mtoto kama huyu ana thamani kubwa katika mradi wetu endelevu wa kujenga brand ya Simba," amesema Manara

Simba imejiwekea utaratibu wa kuwatambua baadhi ya mashabiki wake ambao wanafanya matukio ya kipekee katika kuiunga mkono timu au wachezaji wake

Mtoto maarufu Rackeem Kagere kutoka mkoani Tanga ni miongoni mwa walionufaika na utaratibu huo wa Simba