Kocha Mkuu wa Simba Sven Vandenbroeck amesifu kiwango kinachoonyeshwa na wachezaji wake katika mechi za ligi kuu ya Tanzania Bara
Simba iko kileleni mwa msimamo wa ligi ikiwa imejikusanyia alama 59. Waliongeza alama tatu jana kwa kuichapa Kagera Sugar bao 1-0
Sven amesema vijana wake wameonyesha ubora katika michezo yote mitatu iliyopita, watahitaji kuendeleza moto huo mpaka mwishoni mwa msimu
Hata hivyo Mbelgiji huyo ameeleza kutofurahishwa na ushindi wa bao 1-0 pekee waliopata dhidi ya Kagera Sugar, kwani walistahili kufunga mabao zaidi
"Nawapongeza wachezaji wangu kwani wamekuwa bora katika michezo yote mitatu iliyopita. Tunahitaji kuendeleza mafanikio haya mpaka mwishoni mwa msimu," amesema
"Tulistahili kupata ushindi mnono zaidi dhidi ya Kagera Sugar lakini ni kama tulijiadhibu wenyewe kwa kufunga bao moja tu ndani ya dakika 90 ambazo tungeweza kufunga mabao mengi"
"Tunapaswa kuendeleza hapa tulipofika mpaka March 18 ligi itakaposimama kupisha michuano ya CHAN"
