Mkufunzi wa Simba Sven Vandenbroeck amesema vijana wake wako tayari kuwapa burudani mashabiki wao kwenye mchezo wa ligi kuu dhidi ya Kagera Sugar ambao utapigwa leo kwenye uwanja wa Taifa
Mtanange huo unatarajiwa kupigwa saa moja usiku
Akizungumza baada ya mazoezi ya mwisho ya kikosi chake yaliyofanyika uwanja wa Mo Simba Arena, Sven alisema wamedhamiria kuendeleza wimbi la ushindi ili kuendelea kujiimarisha kileleni mwa msimamo wa ligi
Amesema pamoja na kuhitaji ushindi, wamedhamiria kutandaza soka safi ili kuwapa burudani mashabiki wao
"Tumejiandaa vizuri na tunawahakikishia soka safi mashabiki wetu kwenye mchezo wetu. Wajitokeze kwa wingi uwanjani watuunge mkono," alisema Sven
Matokeo ya ushindi kwa mabingwa hao wa nchi leo yatawafanya waendelee kuchanja mbuga kuelekea ubingwa wa tatu mfululizo ligi kuu ya Tanzania Bara
