Mtendaji mkuu wa klabu ya Simba, Senzo Mazingiza amesema ushindi waliopata katika mechi mbili za ugenini dhidi ya Mtibwa Sugar na Lipuli ni kutokana na mshikamano wa Wanasimba wote.
Senzo amesema kila mtu ametimiza majukumu yake kuanzia Mwenyekiti wa Bodi ya Wakurugenzi, benchi la ufundi, wachezaji pamoja na wapenzi na mashabiki ambao wamejitokeza kwa wingi katika mechi hizo.
"Baada ya kupoteza mchezo dhidi ya Maafande wa JKT Tanzania jijini Dar es Salaam mashsbiki walianza kupoteza matumaini ya kutetea ubingwa huo ila kwenye hizi mechi mbili kila kitu kinaonekana kimekaa sawa," amesema
Senzo ameongeza kuwa ligi siku zote ni kama Marathon kwahiyo wanajipanga kuhakikisha wanafanya vizuri katika kila mchezo ili kutetea taji la ligi msimu huu.
"Ushindi huu ni kwa Wanasimba wote tulishirikiana kuanzia Bodi ya Wakurugenzi hadi mashabiki, wachezaji na benchi la ufundi walitimiza majukumu yao vizuri. Ushirikiano huu usiishie hapa"
