Sven atamba, wako tayari kuiadhibu Lipuli Fc

Mkufunzi wa Simba Sven Vandenbroeck amesema kikosi cha timu hiyo kiko tayari kwa mchezo wa ligi kuu dhidi ya Lipuli Fc ambao utapigwa kesho Jumamosi kwenye uwanja wa Samora

Akizungumza baada ya mazoezi ya mwisho yaliyofanyika uwanja wa Samora, Vandenbroeck amesema vijana wake wako tayari kwa mchezo huo baada ya kufanya maandalizi ya kutosha

Amesema wachezaji wote 25 waliosafiri na timu wako tayari kwa mchezo huo

"Lazima tucheze kila mchezo katika kila hali ambayo tunakutana nayo hivyo tumejindaa na hilo kuhakikisha tunafanya vizuri," amesema

"Kila mchezaji yupo tayari kwa mchezo wa kesho isipokuwa kwa majeruhi wa muda mrefu Mzamiru na Miraji ambao walibaki Dar es Salaam. Tulisafiri na wachezaji 25 na wote wapo tayari."