Ukizungumzia wachezaji ambao wanaiva sana na mashabiki wa Simba, kiungo Said Khamis Ndemla ni miongoni mwao
Kiungo huyu amekuwa kwenye kikosi cha mabingwa hao wa nchi kwa takribani miaka saba
Hata hivyo ni kama hana bahati ya kuaminiwa na makocha wote wanaopita Msimbazi
Pengine wakati wa kocha Pierre Lechantre na Masudi Djuma ndio alipata muda zaidi wa kucheza kwenye kikosi cha kwanza
Lakini tangu wakati huo amekuwa hana mwendelezo mzuri kwa makocha wengine waliopita Simba akiwemo wa sasa Sven Vandenbroeck
Mwanzoni Sven alionekana kumkubali sana Ndemla lakini imekuwa nadra sana kumuona uwanjani
Kuna wakati msimu uliopita alikwenda Sweden kufanya majaribio katika moja ya timu inayoshiriki ligi daraja la kwanza
Ilielezwa kuwa alifanikiwa kufuzu majaribio hayo lakini haijafahamika kilichomkwamisha kwenda Sweden
Hiki ni kipaji kikubwa sana ambacho kinaweza kupotea, ni vyema benchi la ufundi Simba likafanyia kazi mapungufu wanayoyaona kwake ili angalau wamsaidie kulinda kipaji chake
