Kocha Mkuu wa Simba Sven Vandenbroeck amesema vijana wake walistahili ushindi kwenye mchezo wa ligi kuu dhidi ya Mtibwa Sugar kwani walikuwa bora kila idara
Aidha Sven amewasifu washambuliaji wake John Bocco na Meddie Kagere kuwa uwepo wao dimbani uliwarahisishia ushindi huo
"Wachezaji wangu walipambana tangu dakika ya kwanza, nadhani umeona jinsi kila mmoja alivyokuwa na shauku kuhakikisha tunashinda leo (jana). Tuliwachanganya Mtibwa Sugar kwa kubadili mfumo wetu wa uchezaji, umeona faida tuliyopa kwa kuwatumia John Bocco na Meddie Kagere," amesema
"Wakati mwingine unahitaji vikwazo ili uweze kujiimarisha. Matokeo ya mchezo uliopita yalitupa nguvu zaidi na nadhani sote tunafahamu lengo letu msimu huu, tunahitaji kutetea ubingwa"
Sven jana alirejea kwenye mfumo wa 4-4-2 akiwatumia Bocco na Kagere pamoja
Bocco ndiye aliyefunga bao la kwanza la Simba huku mengine mawili yakifungwa na Mohammed Hussein na Hassan Dilunga na kuihakikishia Simba ushindi muhimu wa mabao 3-0
