Licha ya kuwepo kwa presha kubwa ya mashabiki ambao wanataka mabadiliko ya benchi ya ufundi hasa kuondoshwa kwa kocha Sven Vandenbroeck, uongozi wa Simba hautafanya pupa kufanya mabadiliko, imefahamika
Ni kutokana na ukweli kwamba mabadiliko ya benchi la ufundi wakati huu ligi imeingia mzunguuko wa pili yanaweza kuivuruga zaidi timu kwani kocha yeyote mpya atahitaji muda kutengeneza kikosi chake
Muda huo hautakuwepo kwani timu itakuwa ikihitaji matokeo katika kila mchezo ili kutetea ubingwa na kupata nafasi ya kushiriki ligi ya mabingwa msimu ujao
Juzi Bodi ya Wakurugenzi ilikutana na kufanya mahojiano na benchi la ufundi ili kupata ufafanuzi kwa nini kiwango cha timu kimeshuka
Inaelezwa Sven na Matola wamepewa nafasi ya kurekebisha mambo na kama kutakuwa na ulazima wa kufanya mabadiliko ya benchi la ufundi basi atatafutwa kocha wa muda ambaye ataongoza timu mpaka mwishoni mwa msimu
Mkongwe Abdallah 'King' Kibadeni anaweza kupewa jukumu hilo ambapo atashirikiana na Matola au Jamhuri Kiwhelo 'Julio'
