Kuna jambo linaweza kutokea Simba karibuni baada ya kuwepo kwa taarifa kuwa viongozi wa mabingwa hao wa nchi wamewasiliana na Mkufunzi wa AS Vita Florent Ibenge
Mabosi wa Simba wanaweza kufanya mabadiliko mengine ya benchi la ufundi wakati wowote baada ya kutoridhishwa na mwenendo wa timu chini ya kocha Sven Vandenbroeck
Ibenge ni miongoni mwa makocha ambao awali walikuwa wakiwaniwa na Simba kabla ya kumteua Vandenbroeck
Huyu ni kocha mwenye uzoefu mkubwa wa soka la Afrika. Ameiongoza AS Vita kushiriki michuano ya ligi ya mabingwa au kombe la Shirikisho kila msimu aliokuwa kocha wa timu hiyo
Aliiongoza DR Congo kwenye michuano ya Afcon iliyofanyika mwaka jana nchini Misri, alijiuzulu baada ya michuano hiyo
Ibenge ni aina ya kocha ambaye timu yoyote inayohitaji mafanikio barani Afrika itamuhitaji
Pengine anaweza kuwa kocha anayefuata kunako klabu ya Simba, ni suala la muda tu
Tusubiri..
