Kufuatia mfululizo wa maamuzi yenye utata kwenye mechi mbalimbali za ligi kuu ya Vodacom, Serikali kupitia Waziri wa Habari, Utamaduni, Sanaa na Michezo, Dk Harrison Mwakyembe ameliagiza Baraza la Michezo la Taifa (BMT) kufuatilia kwa karibu malalamiko yote yanayotolewa na wadau wa soka mara kwa mara katika Ligi Kuu na ligi nyingine.
Kwa mujibu wa taarifa ya Wizara hiyo iliyotolewa jana, Jumatano, Dk Mwakyembe ameliagiza Baraza hilo kutoa mrejesho wa agizo hilo ndani ya siku tatu.
"Wizara inaendelea kupokea tuhuma mbalimbali/uonevu katika mashindano ya Ligi mbalimbali za mpira wa miguu yanayoendelea nchini, lakini wdau hawaoni hatua zikichukuliwa mara moja na kupatiwa mrejesho," imesema sehemu ya taarifa hiyo
Tayari Shirikisho la Mpira wa Miguu nchini (TFF) limechukua hatua kwa kuiagiza Kamati ya Waamuzi kukutana na Bodi ya Ligi ili kupata suluhu ya matukio hayo
