kufunzi wa timu ya Coastal Union, Juma Mgunda, amesema kiungo mkabaji wa Simba, Mbrazil Gerson Fraga, ndiye aliyemvutia kwa kucheza kandanda safi katika mchezo wa Ligi Kuu Tanzania Bara.
Katika mchezo huo uliochezwa juzi kwenye Uwanja wa Taifa, jijini Dar es Salaam, Simba walishinda mabao 2-0 dhidi ya Coastal Union, mabao yote yakifungwa na Fraga.
Mgunda amemtaja Fraga kuwa ni mchezaji anayeyajua majukumu yake, lakini pia ana akili ya mpira.
"Nimevutiwa sana na Mbrazil yule wa Simba , ana uwezo mzuri wa kupanda na kushuka kwa wakati, msumbufu, mbabe na si mwoga wa kufanya jambo"
"Ukiwa na wachezaji kama hawa watatu katika kikosi chako una uhakika wa kupata matokeo ya ushindi kwa sababu wanaonyesha kuwa na kiu ya kufanya jambo," Mgunda amenukuliwa na gazeti la Bingwa
Mgunda alisema kama anatamani nyota huyo angekuwa ndani ya kikosi chake kwa sababu angesaidia kuwabadili wachezaji wake kutokana na changamoto ambayo angeitoa.
"Nimevutiwa naye sana na natamani kama angekuwa kikosi kwangu kupitia yeye wachezaji wengine wangebadilika kwa sababu anaonyesha wazi kuna kitu anakihitaji uwanjani na ndio maana si mwoga kwa kila kitu."
Fraga alifunga mabao yote mawili ya Simba kwenye mchezo huo
Jumla ameishaifungia Simba ambao manne kwenye mashindano yote tangu alipojiunga na mabingwa hao wa Tanzania Bara mwezi Juni 2019
