Mlinda lango wa Simba Aishi Manula amesema kuwa yuko nje kwa zaidi ya wiki mbili sasa kutokana na kusumbuliwa na maumivu ya nyama za paja
Tangu afungwe mabao mawili kwenye mchezo dhidi ya Yanga Januari 04 2020, Manula hajaonekana tena kwenye kikosi cha Simba
Hata hivyo mlinda lango huyo mwenye mafanikio makubwa katika kipindi cha miaka mitano, amesema kukosekana kwake kunatokana na majeraha yanayomsumbua na sio vinginevyo
"Nimecheza mechi mfululizo kwa muda mrefu, jambo hilo limeniletea shida kwani nimekuwa nikisumbuliwa na maumivu ya misuli mara kwa mara," amesema Manula
"Sasa nimeanza mazoezi mepesi, nikiwa sawa nitakuwa tayari kutoa mchango wangu kwenye timu, jambo kubwa ni timu kupata matokeo hivyo akidaka kakolanya, mimi au Salim wote tunafanya kazi moja"
Tayari baadhi ya mashabiki wameanza kumuulizia Manula baada ya Kakolanya kuruhusu bao kwenye kila mchezo katika michezo mitano ya ligi iliyopita
