Mabingwa wa soka Tanzania Bara Simba Jumamosi ya wiki hii Februari 01, wataendelea na kampeni ya kutetea ubingwa wa ligi kuu kwa msimu wa tatu mfululizo watakapo wakaribisha Coastal Union katika mchezo ambao utapigwa uwanja wa Uhuru
Hata hivyo Simba huenda ikashuka dimbani keshokutwa Jumatano kucheza na Namungo Fc kwanza kabla ya kuikaribisha Coastal Union
Coastal Union ni moja ya timu zinazofanya vizuri kwenye ligi msimu huu, hivyo mchezo wa Jumamosi hautakuwa mwepesi
Hata hivyo baada ya ushindi katika michezo yote mitatu iliyopita, Simba itakuwa na kila sababu ya kuendeleza wimbi la ushindi kwenye uwanja wake wa nyumbani
Msimu uliopita Coastal Union ilipokea kipigo cha kihistoria kutoka kwa Simba baada ya kubugizwa mabao 8-1 katika mchezo uliopigwa uwanja wa Uhuru
Bila shaka Jumamosi hii Wagosi wa kaya watakuja kwa tahadhari kubwa wakikumbuka kipigo hicho kwani wasipokuwa makini mambo yanaweza kujirudia
