Mashabiki wa Yanga wanaonekana kupagawishwa na mchezaji mpya aliyesajiliwa na timu hiyo Bernard Morrrison ambaye anaonekana kuwa na uwezo wa kuchezea mpira
Baadhi ya mashabiki wameonekana kumpamba nyota huyo wa zamani wa Orlando Pirates huku wengine wakimfananisha na nyota wa Simba Sharaff Shiboub na Clatous Chama 'Mwamba wa Lusaka'
Hata hivyo msemaji wa Simba Haji Manara amewaambia mashabiki hao kuwa hawana mchezaji ambaye anaweza kukaribia uwezo wa nyota wa Simba, kumfananisha mchezaji huyo na Chama ni kumkosea nyota huyo wa timu ya Taifa ya Zambia
"Kwanza mchezaji mwenyewe hajawahi hata kuitwa timu yake ya Taifa ya Ghana, unawezaje kumfananisha na nahodha wa timu ya Taifa ya Zambia?," alihoji Manara
Pamoja na mjadala mkali kwenye mitandao ya kijamii, bado Simba inabaki kuwa klabu iliyosheheni wachezaji wengi wenye vipaji kwa sasa hapa Tanzania
