Mabingwa wa soka Tanzania Bara Simba leo wanashuka kwenye uwanja wa Taifa kuikabili Mwadui Fc katika mchezo wa raundi ya nne michuano ya kombe la Azam (ASFC)
Afisa Habari wa Simba Haji Manara amesema maandalizi kuelekea mchezo huo yamekamilika na wana matumaini makubwa ya kupata ushindi
Amesema watawakabili Mwadui Fc kwa tahadhari kubwa, lakini ni mchezo ambao wana kila sababu ya kuondoka na ushindi
"Leo tunacheza na Mwadui fc kwenye kombe la Shirikisho la Azam,tunawaheshimu na tunajua ugumu wao lakini Simba kwa ukubwa wake haipaswi kuihofia timu yoyote Bongo"
"Na katika hili niseme wazi bila kupepesa macho,, mradi wetu wa kuingiza Washabiki wetu katika mfumo rasmi wa kuwatambua kwa kadi ili ufanikiwe ni lazma uendane na matokeo mazuri ya uwanjani"
"Kwa kifupi bila kushinda michezo kama hii ni ngumu sana kwa mradi huu kufanikiwa"
"Wanasimba wanaujua uwezo wa wachezaji wetu na Insha'Allah tutashinda jioni pale Taifa"
Mchezo huo ambao awali ulipangwa kupigwa uwanja wa Uhuru, umehamishiwa uwanja wa Taifa na utaanza saa kumi kamili jioni
Ratiba ya mechi zote
