Vinara wa ligi kuu ya Vodacom Simba leo wanarejea dimba la CCM Kirumba kuikabili Alliance Fc katika mchezo wa ligi hiyo
Juzi Simba ilipata ushindi wa mabao 2-1 dhidi ya Mbao Fc katika mchezo uliopigwa kwenye uwanja huohuo
Kocha Mkuu wa Simba Sven Vandenbroeck ameahidi kuendeleza wimbi la ushindi
Simba inayoongoza ligi ikiwa na alama 38 ambazo ni alama sita zaidi ya Azam Fc inayoshika nafasi ya pili, ushindi utazidi kuwaweka kileleni kwa tofauti ya alama nyingi zaidi
Habari njema ni kuwa leo safu ya ushambuliaji ya Simba itaongozwa na Meddie Kagere, kinara wa mabao katika ligi
Kagere alikosa mchezo dhidi ya Mbao Fc akitumikia adhabu ya kadi tatu za njano
Vandenbroeck anaweza kuwaanzisha pamoja na nahodha John Bocco ambaye anaendelea kuimarika baada ya kupona majeraha yaliyomuweka nje kwa zaidi ya wiki 12
