Kocha Mkuu wa Simba Sven Vandenbroeck amesema kikosi chake kiko tayari kwa mchezo wa ligi kuu dhidi ya Alliance Fc ambao utapigwa kesho Jumapili kwenye uwanja wa CCM Kirumba
Akizungumza na wanahabari mapema leo kuelekea mchezo huo, Vandenbroeck amesema baada ya mazoezi ya siku mbili, vijana wake wako tayari kuikabili Alliance Fc katika mchezo ambao kama wataibuka na ushindi watajichimbia kileleni kwa kufikisha alama 41
"Tumefanya maandalizi kwa siku mbili baada ya mchezo dhidi ya Mbao Fc. Nimeridhishwa na mwenendo wa wachezaji, wote wako kwenye hali nzuri kuelekea mchezo wa kesho," amesema
Simba imeshinda michezo yote minne iliyopita dhidi ya Alliance Fc
Mabingwa hao wa nchi wanapewa nafasi ya kuendeleza ubabe wao dhidi ya vijana hao wa Alliance Fc
