SImba yaomba sapoti ya mashabiki Mwanza

Kikosi cha mabingwa wa soka Tanzania Bara Simba kiko mkoani Mwanza ambapo kesho Alhamisi watashuka kwenye uwanja wa CCM Kirumba kumenyana na Mbao FC

Kuelekea mchezo huo uongozi wa klabu ya Simba umewataka mashabiki kujitokeza kwa wingi uwanjani kushangilia timu yao

Taarifa ya tathmini ya ushiriki kwenye michuano ya kombe la Mapinduzi imebainisha kuwa benchi la ufundi litarekebisha mapungufu yaliyojitokeza visiwani Zanzibar

Simba imeeleza kusikitishwa na kushindwa kuibuka mabingwa wa michuano ya kombe la Mapinduzi lakini wamewataka mashabiki wasahau matokeo hayo, waungane kuiunga mkono timu mkoani Mwanza katika michezo yake miwili ya ligi