Simba tayari iko Mwanza, kuanza na Mbao Fc kesho

Kikosi cha mabingwa wa soka Tanzania Bara, Simba kimewasili mkoani Mwanza usiku wa kuamkia leo tayari kwa michezo miwili ya ligi kuu dhidi ya MBao Fc na Alliance Fc

Mchezo wa kwanza dhidi ya Mbao Fc, utapigwa kesho Alhamisi katika uwanja wa CCM Kirumba kisha kumaliza na Alliance Fc siku ya Jumapili

Simba imetua Mwanza baada ya kuunganisha safari kutoka visiwani Zanzibar ilikwenda kushiriki michuano ya kombe la Mapinduzi

Meneja wa Simba Patrick Rweyemamu amesema wachezaji wote wako katika hali nzuri na leo jioni wanatarajia kujifua kwenye uwanja wa CCM Kirumba