Kikosi cha Simba kinatarajiwa kuunganisha moja kwa moja mkoani Mwanza wakitokea visiwani Zanzibar walikoshiriki michuano ya kombe la Mapinduzi
Mabingwa hao watetezi wa ligi kuu ya Tanzania Bara, keshokutwa Alhamisi Januari 16 watashuka kwenye uwanja wa CCM Kirumba kuikabili Mbao Fc
Meneja wa Simba Patrick Rweyemamu amesema wanakwenda mapema Mwanza ili kuwapa wachezaji wao mapumziko baada ya ushiriki wao kwenye michuano ya kombe la Mapinduzi ambayo wamefika fainali na kufungwa bao 1-0 na Mtibwa Sugar
Baada ya kucheza na Mbao Fc, Simba itarejea tena uwanja wa CCM Kirumba siku ya Jumapili Januari 19 kuikabili Alliance Fc
Baadae mabingwa hao wa nchi watarejea jijini Dar es salaam kuikabili Mwadui Fc kwenye mchezo wa kombe la FA ambao utapigwa Januari 25 katika uwanja wa Uhuru
