Kikosi cha mabingwa wa soka Tanzania Bara Simba leo saa mbili na robo usiku kitashuka dimba la Amaan kuikabili Mtibwa Sugar katika mchezo wa fainali michuano ya kombe la Mapinduzi
Pamoja na Simba kupewa nafasi zaidi ya kuibuka na ushindi, lakini ni mchezo ambao hautakuwa mwepesi kutokana na kuimarilka kwa kikosi cha Mtibwa Sugar
Kocha Mkuu wa Simba Sven Vandenbroeck amesema wameifuatilia Mtibwa Sugar na kubaini ni moja ya timu bora Tanzania hivyo hawapaswi kuwadharau
Simba ilikamilisha maandalizi yake ya mwisho jana jioni kwenye uwanja wa Amaan
Meneja wa timu hiyo Patrick Rweyemamu amesema vijana wote wako katika hali nzuri kuelekea mchezo huo
Simba imeshiriki michuano ya mwaka huu ikitumia kikosi chake cha kwanza kama ilivyo kwa wapinzani wao Mtibwa Sugar
Ushindi dhidi ya Mtibwa Sugar utawapa taji la kwanza mwaka 2020
