Kocha Mkuu wa Simba Sven Vandenbroeck amesema wanajipanga kikamilifu kuikabili Mtibwa Sugar kwenye mchezo wa fainali michuano ya kombe la Mapinduzi
Mchezo huo utapigwa kesho Jumatatu, Januari 13 kwenye uwanja wa Amaan visiwani Zanzibar
Simba ilitinga fainali ya michuano ya hiyo kwa kuiondosha Azam Fc kwa ushindi wa mikwaju ya penati 3-2 baada ya matokeo ya suluhu ya bila kufungana
Wapinzani wao Mtibwa Sugar waliingia fainali kwa kuiondosha Yanga kwa penati 4-2 baada ya matokeo ya sare ya bao 1-1
Vandenbroeck amesema wataingia katika mchezo huo bila ya kuwadharau wapinzani wao kwani anaamini hawakubahatisha kutinga fainali
Amesema wamedhamiria kutwaa taji la michuano hiyo ambayo hufanyika kila mwaka kama sehemu ya maadhimisho ya kumbukumbu ya Mapinduzi ya Zanzibar
Naye kocha msaidizi Selemani Matola amesema ubora wa kikosi chao unawapa sababu ya kujiamini kuwa watapata ushindi dhidi ya Mtibwa Sugar kesho
Simba imekuwa gumzo visiwani Zanzibar kutokana na aina ya soka lao ambalo linawapa burudani mashabiki wanaohudhuria michuano hiyo
