Uongozi wa klabu ya Coastal Union umekanusha taarifa za kumuuza beki wake kisiki Bakari Nondo Mwamnyeto
Taarifa iliyotolewa na timu hiyo leo imesema kuwa Mwamnyeto bado ana mkataba wa zaidi ya mwaka mmoja na Coastal Union
Kumekuwa na tetesi kuwa klabu ya Simba imemsajili beki huyo kisha itamtoa kwa mkopo klabu ya Coastal Union mpaka mwishoni mwa msimu
Coastal Union imekanusha tetesi hizo na kusisitiza kuwa Mwamnyeto ni mchezaji wao halali
"Bakari Nondo Mwamnyeto ni mchezaji halali wa Coastal Union na ana mkataba wa kuitumikia Coastal Union zaidi ya mwaka," imesema taarifa ya Coastal Union
"Mwamnyeto hajauzwa wala kununuliwa na klabu yoyote ndani na nje ya Tanzania hivyo kutangaza au kumuhusisha kuwa amenunuliwa na kutolewa kwa mkopo kwa klabu yake ya Coastal Union ni kuikosea klabu heshima"
