Dirisha dogo la usajili linaelekea ukingoni ambapo litafungwa Jumatano ijayo, Januari 15 2020 saa 5:59 usiku
Juzi Mtendaji Mkuu wa Simba Senzo Mazingisa alikiri kupokea mapendekezo ya Sven ambapo wanahitaji kuyafanyia kazi kabla ya dirisha la usajili kufungwa
Inaelezwa Sven ametaka kusajiliwa wachezaji wawili ambao ni mlinzi wa kati na mshambuliaji
Lakini Mbelgiji huyo ametaka mlinzi ambaye atasajiliwa ni lazima awe anatumia mguu wa kushoto
Walinzi wote wa kati wa Simba wanatumia miguu ya kulia Erasto Nyoni pekee ndiye mwenye uwezo wa kutumia mguu wa kushoto ingawa sio asili yake
Sven amebainisha kuwa beki wa kati anayetumia mguu wa kushoto anakuwa na faida zaidi anapomkaba mshambuliaji anyetumia mguu wa kulia
"Ni kweli nahitaji kufanya usajili wa beki mmoja wa kati kabla ya dirisha kufungwa. Nadhani ningependa zaidi kama angekuwa anatumia mguu wa kushoto kama yule wa Yanga (Ally sonso) kwakuwa inakuwa ni rahisi kumdhibiti mshambuliaji anayetumia mguu wa kulia," Sven alinukuliwa na gazeti la Mwanaspoti
Misimu miwili iliyopita Simba ilikuwa na Salum Mbonde aliyemsajiliwa kutoka Mtibwa Sugar lakini aliachwa mwezi Julai baada ya mkataba wake kumalizika
Mbonde alikuwa majeruhi kwa muda mrefu
