Baada ya kuwa na timu kwa takribani wiki tatu, kocha wa Simba Sven Vandenbroeck amewasilisha mapendekezo ya maboresho zaidi ya kikosi chake kabla ya dirisha la usajili kufungwa wiki ijayo, imefahamika
Mpaka sasa Simba imesajili mchezaji mmoja tu kiungo mshambuliaji Luis Miquissone lakini inaelezwa wachezaji wengine wawili wanaweza kutua kabla ya dirisha la usajili kufungwa Ijumaa
Vandenbroeck ametaka aletewe beki mahiri wa kati pamoja na mshambuliaji
Inaelezwa Mbelgiji huyo ameweka msisitizo zaidi kwenye nafasi ya ulinzi
Pachal Wawa, Tairone Da Silva na Kennedy Juma wametumika zaidi tangu Sven akabidhiwe majukumu ya kuinoa Simba
Kiraka Erasto Nyoni amepata nafasi ndogo ya kucheza tangu benchi la ufundi lilipobadilishwa wakati Yusuf Mlipili yeye yuko mbioni kutolewa kwa mkopo
Simba inahusishwa na beki wa Coastal Union Bakari Mwamnyeto ambaye inaelezwa makubaliano tayari yamefikiwa
