Simba iko Unguja ikiendelea na maandalizi ya mchezo wa nusu fainali kombe la Mapinduzi dhidi ya Azam Fc
Mchezo huo utapigwa kesho Ijumaa katika uwanja wa Amaan
Kocha Mkuu wa Simba Sven Vandenbroeck ameuchukulia mchezo huo kwa uzito mkubwa kwani anatarajiwa kutumia kikosi chake cha kwanza
Baadhi ya wachezaji ambao hawakusafiri na timu awali, wakiongozwa na Meddie Kagere, wametua Zanzibar na wameshiriki mazoezi ya jana jioni
Ni dhahiri Sven anataka ushindi kwenye mchezo huo ili waweze kutinga fainali na pengine kukutana na watani zao Yanga
Leo Yanga itacheza na Mtibwa Sugar katika mchezo wa kwanza wa nusu fainali
Kama Yanga itaifunga Mtibwa na Simba kuifunga Azam Fc, timu hizo zitakutana fainali Januari 13
Aidha ikitokea timu zote zimepoteza michezo ya nusu fainali, pia zitakutana kwenye mchezo wa kusaka mshindi wa tatu
