Uongozi wa klabu ya Simba umewataka mashabiki wake kusahau matokeo ya mchezo dhidi ya Yanga na kuiunga mkono timu ambayo iko visiwani Zanzibar kushiriki michuano ya kombe la Mapinduzi
Juzi Simba ililazimishwa sare ya mabao 2-2 dhidi ya Yanga katika mchezo ambao timu hiyo ilikuwa na kila sababu ya kushinda lakini ikaruhusu mabao mawili ndani ya dakika tano
Ni matokeo ambayo hayakuwafurahisha mashabiki ambao tangu juzi wana majonzi
Bosi wa kitendo cha Habari Simba Haji Manara, amesema mashabiki wanapaswa kusonga mbele kwa kusahau kilichotokea dhidi ya Yanga
Aidha amesema wanapaswa kuiunga mkono timu yao ambayo tayari iko visiwani Zanzibar kushiriki michuano ya kombe la Mapinduzi
"Baada ya masaa ishirini na nne ya maumivu makali ya kutoka sare na timu ambayo ishasahau kabisa kutufunga, naamini sasa mihemko yetu Wanasimba itakuwa imeisha au kupungua"
"Hatujafungwa bali tumedroo,tusiendeleze tena lawama ( madukuduku yaishe) turudi mstarini na kuhakikisha tunamaintain status yetu. Twendeni Zanzibar kwa nguvu kubwa na kurudi kutetea ubingwa wetu," amesema manara
Simba itashuka dimba la Gombani kesho kuikabili Zimamoto katika mchezo ambao kama watashinda watatinga hatua ya nusu fainali
