Mkongwe mwenye historia yake klabu ya Simba Abdallah Kibaden 'King' amewataka wachezaji wa timu hiyo wawape furaha mashabiki leo kwa kuibuka na ushindi mnono
Kibaden ambaye rekodi yake ya kufunga mabao matatu 'hat-trik' kwenye mchezo wa Simba na Yanga bado haijavunjwa, amesema anatamani kuona washambuliaji Meddie Kagere na John Bocco wakivunja rekodi hiyo
"Simba ina kikosi kizuri kuliko watani zao Yanga. Naamini kama wachezaji watakuwa na utulivu, ushindi mnono utapatikana leo," amesema
"Ningependa kuona Simba ikipata ushindi mkubwa na itakuwa vyema kama washambuliaji Meddie Kagere na John Bocco wataweza kuvunja rekodi yangu ya kufunga mabao matatu kwani imekaa kwa muda mrefu sana"
Kikosi cha mabingwa wa nchi Simba kiko tayari kwa mchezo huo ambao utaanza saa 11 jioni katika uwanja wa Taifa
