Wengi walipata mshtuko baada kuona kikosi kilichoanza mchezo dhidi ya KMC leo kikiwa na mabadiliko makubwa kwani ni wachezaji watatu ambao walicheza mchezo uliopita dhidi ya Lipuli Fc walianza
Lakini pamoja na mabadiliko hayo Simba ilifanikiwa kuibuka na ushindi wa mabao 2-0 yaliyowekwa kimiani na Deo Kanda na Gerson Fraga
Hata hivyo imebainika kuwa ulikuwa ni mpango wa kocha Sven VanDerbroeck kuwapa nafasi baadhi ya nyota ili kujiridhisha na uwezo wao
Ikumbukwe uongozi wa klabu ya Simba ulimpa Sven nafasi ya kukifanyia tathmini kikosi chake kisha kuwasilisha mapendekezo ya usajili
Mapendekezo ya usajili yaliyopo yaliachwa na kocha wa zamani wa timu hiyo Patrick Aussems
Kuna uwezekano baadhi ya wachezaji wataachwa huku wengine wakitolewa kwa mkopo kabla ya dirisha dogo la usajili kufungwa Januari 16
