Simba kuendeleza burudani uwanja wa Uhuru, wanacheza na KMC

Kikosi cha mabingwa wa soka Tanzania Bara Simba leo kinarejea uwanja wa Uhuru wakiwa wageni wa KMC katika mchezo wa ligi kuu ya Vodacom

Vinara hao wa ligi watakuwa na nafasi ya kuendelea kujichimbia kileleni mwa msimamo wa ligi hiyo

Simba inaongoza ligi ikiwa imejikusanyia alama 28, alama nne zaidi ya Kagera Sugar inayoshika nafasi ya pili

Chini ya kocha Sven Vandenbroeck Simba imekuwa ya moto zaidi, ikifunga mabao 10 katika michezo miwili iliyopita bila ya kuruhusu bao

Ni mwenendo huo ambao unawapa kila sababu ya kutamba mashabiki wa mabingwa hao wa nchi

Pengine leo kutashuhudiwa kalamu nyingine ya mabao dhidi ya KMC inayoshika nafasi ya 17 kwenye msimamo wa ligi

Mchezo huo unatarajiwa kupigwa kuanza saa kumi kamili jioni