Baada ya kuibuka kwa taarifa kuwa Mtendaji Mkuu wa klabu ya Simba Senzo Mazingisa na Kassim Dewji wako Afrika Kusini kukamilisha 'dili' za usajili, mashabiki wamekuwa na shauku ya kufahamu ilipofikia michakato hiyo
Kumekuwa na tetesi zinazowahusu nyota kadhaa akiwemo winga wa Luis Miquissone ambaye anaitumikia kwa mkopo UD Songo akitokea klabu ya Mamelodi Sundowns
Bosi huyo wa Simba amewaweka 'mguu sawa' mashabiki kuwa wasubiri kupokea taarifa nzuri
Hata hivyo amegoma kuzungumza chochote kuhusu michakato hiyo iliyompeleka Afrika Kusini
"Kwa sasa mimi sina taarifa yoyote lakini mashabiki wasichoke kupita kwenye kurasa zetu za mitandao ya kijamii pamoja na kufuatilia taarifa zinazotolewa na kitengo chetu cha habari," amesema
Inaelezwa Simba tayari imemalizana na Mamelodi na Miquissone na pengine mchezaji huyo atatangazwa wakati wowote kujiunga na mabingwa hao wa nchi
