Baada ya ushindi mnono wa mabao 6-0 dhidi ya Arusha Fc kwenye mchezo wa kombe la Azam (ASFC) juzi, kikosi cha mabingwa wa soka Tanzania Bara Simba kesho kitashuka uwanja wa Uhuru kuikabili Lipuli Fc
Huo utakuwa mchezo wa pili kwa benchi jipya la ufundi linaloongozwa na Sven Vandenbroeck, ukiwa ni mchezo wa kwanza wa ligi kwa Mbelgiji huyo
Mchezo huo utatoa taswira halisi ya kiufundi kwani Lipuli ni moja ya timu zinazofanya vizuri kwenye ligi msimu huu
Kocha Msaidizi wa Simba Selemani Matola amesema matokeo ya ushindi mnono dhidi ya AFC ni mwanzo tu, wamepania kuendeleza wimbi la ushindi kwa kila timu watakayokutana nayo
Matola amewahi kuwa kocha wa Lipuli Fc kabla ya kutimkia Polisi Tanzania hivyo atakuwa na mchango mkubwa kiufundi dhidi ya waajiri wake hao wa zamani
Simba ndio vinara wa ligi kuu wakiwa wamejikusanyia alama 25
