Kiungo mkata umeme Gerson Santos Fraga amesema bao alilofunga kwenye mchezo wa FA dhidi ya Arusha Fc, limempa ari na nguvu zaidi ya kuipigania klabu yake ya Simba
Fraga alifunga moja ya mabao sita ya Simba katika mchezo huo uliopigwa uwanja wa Uhuru
Hilo lilikuwa bao la kwanza Fraga raia wa Brazil anaifungia Simba kwenye mechi za mashindano
"Nimejisikia furaha baada ya kuifungia timu yangu kwani ni jambo ambalo nilikuwa nikilisubiri kwa hamu," amesema
"Katika mchezo uliopita nilikaribia kufunga, leo nimefunga lakini jambo muhimu zaidi kwa kushirikiana na wachezaji wenzangu tumeipa timu ushindi"
Fraga ni mmoja wa wachezaji watatu raia wa Brazil ambao walisajiliwa na Simba mwezi Juni 2019
Wengine ni beki Tairone Da Silva na mshambuliaji Wilker Da Silva
