Arusha Fc kumpa mtihani wa kwanza Vanderbroeck

Kocha Mkuu wa Simba Sven Vanderbroeck leo anaanza rasmi kuwaongoza mabingwa hao wa nchi katika mchezo wa kombe la FA (ASFC) ambao utapigwa uwanja wa Uhuru

Ni mchezo ambao bosi huyo wa benchi la ufundi atahitaji ushindi ili kuwapa imani baadhi ya mashabiki ambao wamekuwa na mashaka baada ya uteuzi wake

Aidha kwa upande wa kikosi cha Simba, ushindi katika mchezo huo ni matokeo muhimu hasa ikizingatiwa misimu miwili iliyopita Simba ilishindwa kuvuka raundi hiyo kwa kufungwa na timu za madaraja ya chini

Arusha Fc, timu inayoshiriki ligi daraja la kwanza, iko jijini Dar es salaam kwa takribani siku tatu ikijiandaa na mchezo huo

Kikosi cha Simba kilikamilisha maandalizi yake jana jioni kwenye uwanja wake wa nyasi bandia pale Mo Simba Arena