Allan Okello amekuwa mchezaji gumzo katika ukanda wa Afrika Mashariki kwa sasa kutokana na umahiri anaoonyesha timu ya Taifa ya Uganda na klabu anayochezea ya KCCA
Kinda huyo mwenye umri wa miaka 19 anawaniwa na klabu kadhaa ambapo kwa hapa Tanzania klabu ya Azam Fc ilikuwa ya kwanza kujitosa kumuwania kabla ya mabingwa wa nchi Simba nao kudaiwa kujiunga
Klabu ya KCCA imeweka bayana kuwa iko tayari kumuuza kiungo huyo fundi lakini dau la usajili lisipungue dola 400,000 ambazo ni zaidi ya Milioni 900 za Kitanzania
Mapema mwezi Juni, Okello alikwenda Uswissi kufanya majaribio kunako klabu ya FC Zurich inayoshiriki ligi kuu ya nchini humo
Simba inatarajiwa kutumia dirisha dogo la usajili kuboresha kikosi chake, sio ajabu kuhusishwa na mchezaji huyo mahiri
Baadhi ya wachezaji wengine ambao wanahusishwa kuwaniwa na mabingwa hao wa nchi ni pamoja na kiungo Baraka Majogoro anayeitumikia Polisi Tanzania na beki wa timu ya Taifa Bakari Nondo Mwamnyeto anayecheza klabu ya Coastal Union
Wengine ni Shiza Kichuya na Tuisila Kisinda ambao inaelezwa yalikuwa ni mapendekezo ya kocha aliyeondoka, Patrick Aussems
Lakini pia yumo winga Luis Miquissone aliyekuja nchini na UD Songo kucheza na Simba mchezo wa ligi ya mabingwa
Miquissone ndiye aliyeifungia bao lililoivusha UD Songo raundi ya kwanza ya michuano ya ligi ya mabingwa
Nyota huyo aliitumikia UD Songo kwa mkopo akitokea klabu ya Mamelodi Sundowns
Hata hivyo inaelezwa yuko mbioni kuvunja mkataba wake na Mamelodi
Inaelezwa Mtendaji wa Simba Senzo Mazingisa amesafiri kwenda Afrika Kusini kukamilisha usajili wa nyota huyo ambaye kuna tetesi kuwa anawaniwa na Yanga pia
