Msemaji wa klabu ya Simba Haji Manara amesema wanauchukulia kwa uzito mkubwa mchezo wa raundi ya tatu kombe la FA dhidi ya Arusha Fc
Keshokutwa Jumapili Disemba 22 mabingwa wa nchi Simba watakabiliana na AFC katika mchezo utakaopigwa uwanja wa Uhuru
Manara amesema kutokana na uzoefu waliopata kwa kutolewa hatua ya awali kwenye misimu miwili iliyopita, hawapaswi kuwadharau AFC
"Tunacheza na AFC ambayo sio timu ya ligi kuu lakini hatupaswi kuwadharau," amesema
"Sote tunafahamu kilichotokea misimu miwili iliyopita, tulitolewa hatua ya awali hivyo hatutarudia makosa kwenye mchezo wa Jumapili"
"Michuano hii ya FA tumeichukulia uzito mkubwa kama ilivyo ligi kuu kwani tunahitaji kushinda taji hili"
Mchezo huo utakuwa wa kwanza kwa kocha mkuu wa Simba Sven Vanderbroeck ambaye amejiunga na mabingwa hao wa Tanzania Bara wiki iliyopita
