Simba kumrudisha Kichuya

Uongozi wa klabu ya Simba huenda ukamrudisha kiungo wake mshambuliaji Shiza Kichuya ambaye aliuzwa mapema mwaka huu

Kichuya alisajiliwa na klabu ya Pharco Fc ya nchini Misri. Hata hivyo timu hiyo imekuwa ikimtoa kwa mkopo

Taarifa za uhakika ni kuwa jitihada zinafanyika ili ikiwezekana Kichuya arejee usajili huu wa dirisha dogo ambalo lilifunguliwa jana Disemba 16

Kichuya alin'gara kwenye kikosi cha Simba misimu ya 2016/17 na 2017/18 akiwa amesajiliwa na mabingwa hao wa nchi akitokea Mtibwa Sugar

Hata hivyo msimu uliopita haukuwa mzuri kwake. Ni miongoni mwa wachezaji walioathirika na ujio wa kocha Patrick Aussems kwani alimpa nafasi mara chache kwenye kikosi cha kwanza