Kocha Mkuu wa Simba Sven van der Broeck leo ameanza majukumu ya kukinoa kikosi chake kuelekea michezo ya ligi pamoja na kombe la FA
Kocha huyo raia wa Ubelgiji akishirikiana na kocha mzawa Selemani Matola, watakuwa na takribani wiki moja kukiandaa kikosi chao tayari kwa mchezo wa kombe la FA dhidi ya Arusha Fc
Simba inatarajiwa kushuka dimbani mara nne kabla ya mchezo dhidi ya Yanga ambao utapiwa January 04 2020
Van Der Broeck ataiongoza Simba kwenye mchezo wake wa kwanza ambao ni wa kombe la FA (ASFC) dhidi ya Arusha Fc
Mchezo huo utapigwa Disemba 22 uwanja wa Uhuru
Disemba 25 atarejea tena dimba la Uhuru kuiongoza Simba safari hii ukiwa mchezo wa ligi kuu dhidi ya Lipuli Fc
Michezo mingine ya ligi itapigwa Disemba 28 dhidi ya KMC na Disemba 31 dhidi ya Ndanda Fc
Baada ya michezo hii, mtanange wa watani wa jadi ndio utakaofungua mwaka 2020
