Simba Queens kesho Jumamosi, Disemba 14 itashuka kwenye uwanja wa Karume kumenyana na watani zao wa jadi Yanga Princess ukiwa ni mchezo wa ligi kuu ya Wanawake maarufu Serengeti Lite
Simba Queens inayoshika nafasi ya tatu, imepania kuendeleza ubabe dhidi ya wapinzani wao hao
Msimu uliopita, Simba Queens waliishushia Yanga Princess kipigo cha mabao 7-0 katika mchezo wa duru ya kwanza wa ligi hiyo
Aidha ushindi wa bao 1-0 ambao Simba Queens walipata dhidi ya JKT Queens mwishoni mwa wiki iliyopita, umeongeza morali ya wachezaji kuelekea mchezo huo
JKT Queens wanafahamika kama ndio wababe wa soka la wanawake nchini msimu uliopita wakitwaa ubingwa huku wakishinda michezo yote msimu mzima
Hata hivyo msimu huu Simba Queens wamewaadhibu mapema tu kwenye mchezo wa raundi ya tatu
