Kocha Mkuu wa Simba Sven Vandenbroeck ambaye alitambulishwa jana, alianza kuwa kocha mkuu katika timu ya Niki Volou, iliyopo nchini Ugiriki mwaka 2014, akiwa kama kocha wa muda (Caretaker).
Baada ya hapo akawa kocha msaidizi wa timu ya Oud-Heverlee Leuven na timu ya taifa ya Cameroon, ambayo alikuwa akifanya kazi ya usaidizi chini ya kocha mkuu Hugo Broos, ambapo mwaka 2017, walichukua ubingwa wa Kombe la Mataifa Afrika.
Vandenbroeck, baada ya hapo alikwenda kuwa kocha mkuu wa timu ya taifa ya Zambia Julai 2018, baada ya kuingoza timu hiyo Februari 2019, Shirikisho la soka la Zambia, walitangaza kutokuongeza mkataba wa kocha huyo aliokuwa na timu hiyo kwa mwaka mmoja.
Zambia waliamua kuvunja mkataba wa Vandenbroeck, Machi 2019, kutokana na kushindwa kufuzu fainali za Kombe la Mataifa Afrika zilizofanyika nchini Misri.
Sven Ludwig Vandenbroeck, amezaliwa Septemba 22, mwaka 1979, mpaka sasa ametimiza miaka 40, amezaliwa katika Mji wa Vilvoorde, nchini Belgium.
Kabla ya kuwa kocha alianza kucheza mpira kama kiungo mkabaji mwaka 1996–2000, katika timu ya Mechelen, baada ya hapo mwaka 2000–04, alikwenda kujiunga na timu ya Roda JC ambapo alicheza mechi 55
Mwaka 2004–05, Vandenbroeck alijiunga na De Graafschap ambapo napo alicheza mechi 19, kisha baadae kujiunga na timu ya Akratitos mwaka 2005
Vandenbroeck mwaka 2006–07, alijiunga na Lierse ambapo napo alicheza mechi 23 na mwaka 2007–08, alijiunga na Vise na baada ya msimu kumalizika mwaka 2009, alijiunga na Lov-Ham ambapo alicheza michezo mitatu
Uongozi wa klabu ya Simba umemchukua kocha huyo baada ya kuridhishwa na mipango na kiu yake ya mafanikio kama kocha
Simba ina muelekeo huo
