Dalali amshukuru Mo kwa kukamilisha ahadi ya uwanja

Mwenyekiti wa zamani wa klabu ya Simba Hassan Dalali amemshukuru Mwekezaji na Mwenyekiti wa Bodi ya Wakurugenzi Mohammed Dewji 'Mo' kwa kufanikisha kujenga uwanja wa klabu hiyo Bunju nje kidogo ya jiji la Dar es salaam

Dalali ambaye ni mmoja waliofanikisha kupatikana kwa eneo lililojengwa uwanja huo, amesema Mo ameonyesha njia hivyo anapaswa kuungwa mkono na kila Mwanasimba

"Kwanza namshukuru Mwenyekiti wa Bodi kwa kututengezea uwanja," alisema

"Inahitaji moyo sana kufanya kazi ya kujitolea hata sisi miaka ya nyuma tulijenga majengo kwa kujitolea kwa kubeba matofali kichwani na yeye sasa anaendeleza hilo"

"Tunampongeza, tupo nyuma yake kumuunga mkono”