Uongozi wa klabu ya Simba umesema kesho Jumamosi, Disemba 07 utafanya tukio la kuwaonyesha wanachama na mashabiki wake ujenzi wa viwanja vya klabu hiyo Bunju nje kidogo ya jiji la Dar es salaam maarufu Bunju Complex
Mkurugenzi wa Wanachama na Mashabiki wa Simba Hashim Mbaga amesema siku hiyo wataitumia kuwaonyesha Wanachama na Mashabiki wa Simba uwanja huo ambao kila mmoja atapata fursa ya kuangalia maendeleo ya Simba
"Hatuendi kufanya uzinduzi, tunakwenda kutembelea kwa maana tunakwenda kuwaonyesha wenye uwanja wao, Wanasimba wote eneo lao jinsi lilivyokuwa sasa hivi," amesema
"Tunatarajia ujenzi ukishakamilika timu itaanza kufanya mazoezi ya majaribio kwenye uwanja kabla ya uzinduzi rasmi mwakani"
"Uzinduzi tunaufanya mwakani kwa sababu tunataka tufanye kitu kikubwa. Kwamba baada ya Wanachama wote kuuona uwanja wao, tunapokuja kwenye uzinduzi tunaanza rasmi kuchangia awamu ya pili kila mmoja"
